Kurti priti në takim kryetaren e Preshevës, shprehu gatishmërinë e qeverisë për bashkëpunim

14:47 | 6 Gusht 2024
A B

Kryeministri i vendit, Albin Kurti mirëpriti në takim kryetaren e komunës së Preshevës, Ardita Sinani.

Në një komunikatë per media nga ZKM bëhet e ditur se Kurti e uroi Sinanin për formimin e koalicionit me Partinë Demokratike Shqiptare të drejtuar nga Ragmi Mustafa dhe për detyrën e re si kryetare e komunës.

“Kryeministri Kurti i ofroi mbështetje në realizimin e programit qeverisës dhe shprehu gatishmërinë e tij dhe të qeverisë për bashkëpunim të afërt institucional në shërbim të Preshevës dhe qytetarëve atje pa dallim”, u tha në komunikatë.

Ardita Sinani u zgjodh Kryetare e Komunës së Preshevës me 24 vota në asamblenë komunale, të mbajtur me 30 korrik, 2024./Arbresh.info/

 

 

 

Shpërndaje në rrjete sociale

Lajmet më të lexuara

Të ngjashme

Foto lajm